Pinangunahan ni Mayor Sonny Collantesang isinagawang pagpupulong kasama ang mga 4Ps Parent Leaders ng Lungsod kung saan tinalakay rito ang mga programang isinusulong ng lokal na pamahalaan katuwang ang Tanauan Local Social Welfare and Development at Department of Social Welfare and Development.

Binigyang-diin sa diskusyong isinagawa ay ang “No Collection Policy” na mahigpit na ipinagbabawal ng ahensya ng pamahalaan sa mga kapwa 4Ps members ng lungsod.

Bukod rito, inisa-isa rin nina Tanauan CSWD head Ms. Vickie Javier at Congresswoman Ma. Theresa “Maitet” V. Collantesang mga programang sumasaklaw sa benepisyong dapat natatanggap ng mga miyembro nito, partikular na sa edukasyon at pangkalusugan.

Kabilang din sa nasabing aktibidad ang pagbabahagi ng mga empowered parent leaders ng kanilang mga karanasan at mga isinasagawang hakbang upang maging maayos ang implementasyon ng mga programa sa ilalim ng 4Ps.