DepEd Tanauan Credit Cooperative, kaisa ng Pamahalaang Lungsod sa pagbibigay ng dekalidad na Edukasyon para sa mga kabataang Tanaueno!

Sa isinagawang DTCC 2nd General Assembly, nakiisa ang ating Punong Lungsod Sonny Perez Collantes upang magpaabot ng mensahe hinggil sa kahalagahan ng kanilang kooperatiba.

Sa isang mensahe, binigyang pugay ni Mayor Sonny Perez Collantes ang husay at dedikasyon ng mga kaguruan sa Lungsod ng Tanauan. Bahagi rin nito ang patuloy na pagsusumikap ng ating Punong Lungsod upang pakinggan ang mga mungkahi at ideya ng kanilang samahan para sa pagpapabuti ng kanilang kabuhayan at pagpapaunlad sa sektor ng edukasyon.

Ang DTCC ay isang samahan sa pampublikong Paaralan sa Lungsod, layunin nitong umagapay at makatulong sa mga Public Teachers para sa kanilang karagdagang kita.