Natatas Softball League, pormal nang sinimulan ng Sangguniang Barangay ng Natatas ngayong araw!
Sa pangunguna ni Kapitan Jojo Nones katuwang sina Mr. Joseph Nones at Mr. John Steven Bulquerin, sinimulan na ngayong araw ang pagbubukas ng Natatas Softball League.
Sa exhibition game, itinanghal na nagwagi ang Tanauan City Softball Team laban sa koponan ng Softball RP Blu Boys sa iskor na 4-3.
Samantala, kabilang ang nasabing aktibidad sa patuloy na pakikipagtulungan ni Mayor Sonny Perez Collantes sa bawat Barangay upang suportahan at pagyabungin ang natatanging husay ng ating mga atletang Tanaueño.
