Mas pinaganda at matibay na Senior Citizens ID, naipamahagi sa 317 na Senior Citizens ng Brgy. Poblacion 3!

Tinatayang 317 na mga Senior Citizens mula Brgy. Poblacion 3 ang nakatanggap ng mas pinaganda at pinatibay na Senior Citizens PVC ID mula sa ating Punong Lungsod Sonny Perez Collantes, katuwang ang tanggapan ng Barangay Affairs Office-Tanauan City, Batangas.

Layunin ng inisyatibo na ito na magamit ang mga libreng Identification Cards ng pangmatagalan lalo’t higit sa pagkuha ng ating mga Senior Citizens ng kanilang mga benepisyo sa Pamahalaang Lungsod alinsunod sa probisyon ng Batas Republika Blg. RA 7432 o The Senior Citizens Act.