Highway Marshall Group, makikipagtulungan kay Mayor Sonny Perez Collantes para sa mapayapang pagdiriwang ng 22nd Tanauan Cityhood Anniversary!
Bilang paghahanda sa nalalapit na anibersaryo ng pagiging Lungsod ng Tanauan, iba’t ibang mga organisasyon at samahan ang nakipagpulong sa ating Punong Lungsod Sonny Perez Collantes para ihayag ang kanilang suporta at pakikiisa sa mga isasagawang aktibidad ng Pamahalaang Lungsod.
Kabilang rito, ang Highway Marshall Group upang makibahagi sa ating Pamahalaang Lungsod na magiging katuwang sa pagsasaayos ng mga trapiko at pag-antabay sa mga programa upang panatilihin ang kaayusan sa nasabing selebrasyon.
