1st Quarter Local Disaster Risk Reduction Management Council Meeting

Pagpapaigting ng seguridad at paghahanda sa #SemanaSanta2023 ang naging sentro ng 1st Quarter LDRRM Council Meeting ngayong araw ika-30 ng Marso, 2023. Kabilang na rito mga sumusunod:

Pre-disaster Assessment ng iba’t ibang ahensiya at mga responders

Pagbabantay sa lagay ng panahon

Pagbabantay sa status ng Bulkang Taal at Coastal Area sa Tanauan

Pag-deploy ng mga Civil Security Unit sa mga Tourist Spots

Pakikipag-ugnayan sa mga pribadong sektor para sa ligtas na paggunita ng Semana Santa

Paglilinis ng mga cable wires

Samantala, ibinalita rin ng BFP Tanauan ang kanilang produktibong mga aktibidad ngayong Fire Prevention Month kabilang na ang pakikipagtulungan sa mga eskwelahan para sa Fire Safety Webinars, Fire Drill, Drawing and Poster Making Contest, Fire Prevention Mall Exhibit at matagumpay na Fire Auxiliary Group Training.

Inihayag naman ni Mayor Sonny Perez Collantes na paglalaanan ng pondo ang segregation training sa mga barangay upang maiwasan ang problema sa amoy ng mga piggery. Binigyang pansin din ang pondo para sa CPR Training sa lungsod, Basic Life Support Training at iba’t ibang seminars para sa mas epektibo at mahusay na operasyon ng mga responders sa Tanauan.

Pinangunahan ito ng CDRRMO sa pamumuno ni Mr. Ryan Pariño kung saan dumalo rin ang iba’t ibang ahensiya, organisasyon, Konsehal Benedicto Corona at mga kinatawan ng iba’t ibang departamento ng City Government of Tanauan.