Mayor Sonny Perez Collantes at FNRI-DOST, magtutulungan para sa isasagawang National Nutrition Survey sa Lungsod!
Upang masigurong napangangalagaan ang kalusugan ng ating mga kababayan, makikipatulungan ang Food and Nutrition Research Institute – Department of Science and Technology
sa ating Punong Lungsod Sonny Perez Collantes para sa isasagawang National Nutrition Survey sa Lungsod.
Layon ng nasabing aktibidad na mangalap ng datos sa ating mga Barangay upang mangalap ng impormasyon sa bawat Pamilyang Tanaueño para masuri ang kalusugan o nutrisyon ng ating mga kabataang Tanaueño. Daan din ito para gabayan ang ating mga kababayan upang hikayatin sa wasto at malusog na pangangatawan.
Samantala, bahagi rin nito ang Tanggapan ng City Health Office upang maging katuwang ng naturang ahensya para sa pagsasakatuparang maging matagumpay ang nasabing aktibidad.
