Pamamahagi ng Local AICS, tuluy-tuloy sa Lungsod ng Tanauan

Kaugnay nang pagpapalawig ng Social Services Program ng ating Pamahalaang Lungsod ng Tanauan, pinangunahan ni Mayor Sonny Perez Collantes at Congresswoman Ma. Theresa “Maitet” V. Collantes ang pagpapaabot ng tulong pinansyal para sa ating mga kababayan kaninang umaga.

Tinatayang aabot sa 108 mga Tanaueño ang kasalukuyang nakapag-payout sa ilalim ng programang Local AICS kung saan pamamaraan ito ng pamahalaang lokal upang matugunan ang kanilang medical, hospitalization at burial assistance.

Samantalas, bukas mula Lunes hanggang Biyernes ang Tanggapan ng mga Mamamayan ng Lungsod ng Tanauan para sa mga kababayan nating nais humingi ng tulong mula sa ating Pamahalaan.