200 SATO Tap, inihandog ng South Luzon Water Corp. para sa Lungsod ng Tanauan

Upang mapanatili ang kalinisan sa bawat komunidad sa Lungsod ng Tanauan, malugod na tinanggap nina Mayor Sonny Perez Collantes at TWCC President Atty. Cristine Collantes ang 200 SATO Taps o alternative handwashing station mula sa South Luzon Water Corp. sa pangunguna ni Stakeholder Relations Manager Mr. Alton Naga.

Ang device na ito ay maaaring magamit ng ating mga kababayan bilang alternatibong gripo o paghuhugasan ng kamay o ng mga pagkain kung sakaling walang access sa dumadaloy na tubig.

Habang ang mga nasabing device ay ilalagay sa mga stratehikal na lokasyon upang mapanatiling ligtas mula sa mga nakakahawang sakit.