Kaugnay pa rin sa pagdiriwang ng Buwan ng mga Kababaihan sa Lungsod ng Tanauan, matagumpay na pinasinayaan ngayong araw ang pagbubukas ng 2024 Womenโs Mini Olympics na pinangunahan ni Tanauan City Womenโs Coordinating Council President Atty Cristine Collantes sa pamamagitan ng Lighting of Torch at Oath of Sportsmanship.
Kabilang din sa inihandang programa katuwang sina Mayor Sonny Perez Collantes, Congw. Maitet Collantes, Gad Tanauan at Tanauan Local Social Welfare and Development ay ang cheerleading competition kung saan nahati sa limang cluster ang 48 mga barangay sa lungsod.
Habang sa mensahe ni Mayor Sonny, kaniyang ibinahagi ang malaking papel ng mga kababaihan sa ating lipunan at nagpasalamat sa pagkakaisa ng lahat ng samahang kababaihan tungo sa mas maunlad na Tanauan.
Nakibahagi rin sa nasabing aktibidad sina Congresswoman Ma. Theresa “Maitet” V. Collantes, mga lider kababaihan ng iba’t ibang organisasyon at mga miyembro ng Sangguniang Panlungsod.
Sa kabilang banda, inaasahan na magsisimula ang laban para sa Mini Olympics sa darating na March 9, 10, 16, at 17 kung saan tampok ang Volleyball, Basketball, Palarong Pinoy at iba pa.
