Kaalinsabay ng pagdiriwang ng Tanauan City Agriculture Week, naglunsad ng programa ang Pamahalaang Lungsod ng Tanauan katuwang ang City Veterinarian Office ng isang Batangas Cattle Show 2024.

Tampok dito ang iba’t ibang patimpalak katulad ng Cattle parade, Biggest Cattle Award, Best in Costume at Cattle Cart Race na nilahukan ng mga magbabaka at magkakalabaw mula sa Brgy. Natatas kung saan ilang malulusog na mga Baka at Kalabaw ang ibinida.

Sa mensahe ni Mayor Sonny, binigyang diin nito ang pagbibigay importansya ng Lokal na Pamahalaan upang pangalagaan ang kanilang sektor. Tututukan din aniya ang patuloy na pag-unlad ng kanilang industriya sa pamamagitan ng pagyabong muli ng subastahan, pag-improve ng lahi ng kanilang mga alaga at pagsulong ng isang Accredited Slaughterhouse Facility.