Bilang pormal na pagsisimula ng Barangay Trapiche Sports League 2024, isinagawa ng Sangguniang Barangay ng Trapiche sa pamumuno ni Kap. Darwin Tan kasama sina Mayor Sonny Perez Collantes, Congresswoman Ma. Theresa “Maitet” V. Collantes, Atty. King Collantes at City Administrator Mr. Wilfredo Ablao ang Parade at Opening Ceremony na nilahukan ng iba’t ibang koponan at manlalaro mula nasabing Barangay.

Ang naturang parada ay nagsimula sa loob ng Tanauan City Integrated High School patungo sa Trapiche Gymnasium. Dinaluhan din ito ng mga kilalang personalidad mula sa koponan ng KABSAT kabilang sina former PBA Player Marc Pingris at Kapamilya Actor Ronnie Alonte.

Kasabay nito ang mensahe ni Mayor Sonny Perez Collantes para pormal na pasimulan ang kompetisyon at bigyan ng mainit na pagtanggap ang lahat ng mga kalahok — at pasalamatan ang pamunuan ng Trapiche dahil sa pagsulong nito na mabigyan ng suporta ang mga manlalaro at atleta ng ating Lungsod.