TINGNAN | Nawawalang Batang Babae, agad na naibalik sa kaniyang mga magulang sa tulong ng ating mga Volunteer Group.
Sa pamamagitan ng mga nakatalagang volunteer group ngayong UNDAS, agad na nabigyang aksyon ang paghahanap sa batang nawalay sa kaniyang magulang bunsod ng pagrami ng bumibisita sa ating mga sementeryo.
Sa kabutihang palad, isang nagmamalasakit na residente mula sa Barangay Natatas ang nakakita sa bata at agad na itinawag sa UNITED KABALIKAT CIVICOM kung saan mabilis ring ipinagbigay alam ng grupo sa kaniyang mga magulang.
Kasama na ngayon ng kaniyang mga magulang ang nasabing bata matapos itong sunduin ng kaniyang lola sa estasyon ng mga Volunteer Group sa Himlayan.
