Nova Schola at Pamahalaang Lungsod ng Tanauan, magkatuwang sa paghahatid ng dekalidad na edukasyon para sa mga Tanaueño
Sa pagbisita nina Nova Schola President Mr. JV Santos at Mrs. Gloria Santos sa Tanggapan ng mga mamamayan, kanilang ibinahagi kay Mayor Sonny Perez Collantes ang planong pakikipagtulungan upang makapaghatid ng dekalidad na edukasyon para sa mga kabataang Tanaueño.
Bukod dito, ibinahagi rin nila sa alkalde ang pakikipag-ugnayan sa lokal na pamahalaan para naman sa iba pang aspeto na maghahatid ng karagdagang investors sa lungsod.
Habang taos pusong nagpasalamat naman si Mayor Sonny sa mabuting hangarin nito tungo sa progreso ng Lungsod, kabilang na sa pakikiisa sa ginanap na ika-22nd Tanauan Cityhood Anniversary.
