Ministry of Social Services, makikipatulungan sa ating Punong Lungsod para sa isasagawang Medical Mission sa Brgy. Natatas at Balele!
Nagtungo ang mga opisyales ng Ministry of Social Services sa Tanggapan ng mga Mamamayan ngayong araw upang personal na ipaalam sa ating Punong Lungsod Sonny Perez Collantes para sa kanilang isasagawang Medical Mission sa ating Lungsod partikular sa mga kababayan natin Barangay Natatas at Barangay Balele.
Sa pagsasakatuparan, ikinatuwa nina Mayor Sonny at City Administrator Mr. Wilfredo Ablao ang kanilang ihahatid na serbisyo sa ating mga kababayan, at nangako ring magpapadala ng Assistance mula sa tanggapan ng City Health Office upang kanilang magiging katuwang sa nasabing programa.
Samantala, ito ay bunga ng patuloy na pakikipag-ugnayan ni Mayor Sonny sa mga pribadong sektor sa Tanauaun upang makibahagi sa kaniyang mga hakbangin na tugunan at makatutulong sa pangangailangan ng ating mga kababayan.
