Medical at Burial Assistance sa ilalim ng Local AICS, patuloy na ipinamamahagi ng Pamahalaang Lungsod!

60 na mga Tanaueño ang nabigyan muli ng tulong pinansyal sa ilalim ng programang Local Assistance for Individual in Crisis Situation (AICS) sa pangunguna ni Tanauan City Women’s Coordinating Council President Atty. Cristine Collantes at Atty. King Collantes bilang mga kinatawan ng ating Punong Lungsod Sonny Perez Collantes.

Hakbang ito ng ating pamahalaan upang patuloy na alalayan ang mga Tanaueño sa kanilang pangangailangang medikal at burial assistance.

Bukas naman mula Lunes hanggang Biyernes ang Tanggapan ng mga Mamamayan ng Lungsod ng Tanauan para sa mga kababayan nating nais humingi ng tulong mula sa ating Pamahalaan.