Pagpapalawig ng Employment Opportunities sa Lalawigan ng Batangas, tinalakay sa First Quarterly Meeting ng Batangas Federation of PESO Managers at DOLE BPO
Upang mas mapalawig pa ang Employment Opportunities sa Lalawigan ng Batangas, nagsama-sama kahapon, ika-29 ng Marso ang lahat ng PESO Managers para sa First Quarterly Meeting ng Batangas Federation of PESO Managers at DOLE-Batangas, katuwang ang Pamahalaang Lungsod ng Tanauan.
Bilang kinatawan ni Mayor Sonny Perez Collantes, inihatid ni TWCC President Atty. Cristine Collantes ang kaniyang mensahe ng pagsuporta at pakiisa sa stratehikal na pagpapaigting ng labor market information, referral and placement, at SPES implementation para sa kasalukuyang taon.
Aniya, patuloy na makikipagtulungan ang lokal na pamahalaan at ang TWCC upang makapaghatid ng trabaho para sa mga Tanaueño.
Kinilala rin ng DOLE Batangas sa pangunguna ni Provincial Director Predelma M. Tan ang Lungsod ng Tanauan bilang isa sa top performing PESOs at Job Placement Offices para sa taong 2022.
