Tanauan City Tripartite Industrial Peace Council Executive Meeting, pinangunahan ni Mayor Sonny Perez Collantes
Kaugnay sa paghahatid ng iba’t ibang serbisyo para sa mga Tanaueño, isinagawa ngayong araw ang executive meeting ng Tanauan City Tripartite Industrial Peace Council na pinangunahan ni Mayor Sonny Perez Collantes katuwang ang DOLE-Batangas.
Kabilang sa partikular na tinatalakay sa pagpupulong ay ang mga ilulunsad na programa at aktibidad na magpapalakas ng ugnayan ng mga manggagawa, negosyo, at pamahalaan.
Inisyatibo rin ito ng samahan upang mapalakas ang mga interbasyon para sa mahusay na regulasyon at mga patakaran upang maiwasan ang mga suliranin sa pagitan ng mga kumpanya at kanilang mga empleyado.