Solar Tanauan Corporation, magiging katuwang ng Pamahalaang Lungsod para sa karagdagang mga Street Lights sa Lungsod!

Upang mas maitaguyod ang paggamit ng ‘Renewable Energy’ sa lungsod, pinangunahan ni Mayor Sonny Perez Collantes ang pagpupulong kasama ang mga opisyal mula sa Solar Tanauan Corporation ngayong araw.

Ilan sa mga pinag-usapan ang paglalagay ng Solar Energy Projects sa City Hall bilang tugon sa suliranin sa binabayaran nitong kuryente kada buwan. Tinalakay rin ang pagsasaayos at paglalagay ng karagdagang mga Street Lights sa madidilim na daanan sa Lungsod.

Lahat ng ito’y bahagi ng patuloy na pagsusumikap ng Pamahalaang Lungsod sa ilalim ng pamumuno ni Mayor Sonny, na lumikha ng Sustainable Development Programs at pangmatagalang solusyon para sa balanseng progreso ng Lungsod ng Tanauan.