Programang pangkalusugan ng mga Tanaueño, tutukan ng National Nutrition Council-CALABARZON at Pamahalaang Lungsod ng Tanauan
Sa ginaganap na Courtesy Meeting ng National Nutrition Council- CALABARZON sa Tanggapan ng mga Mamamayan, partikular na tinalakay ang pagpapalawig ng Nutrition Security sa Lungsod nina DMO II Zarah Megino at PDOI Karen Carnongol kasama nina Mayor Sonny Perez Collantes, City Administrator Mr. Wilfredo Ablao at City Nutritionist Ms. Lilibeth Ramos
Kabilang sa magkatuwang na ihahatid ng nasabing tanggapan ay ang epektibo at sistematikong implementasyon ng Nutrition Program para sa taong 2023 at Devolution Transition Plan Status ng Pamahalaang Lungsod.
Bukod dito, kabilang din sa pinag-usapan at tutukan ay ang Monitoring and Evaluation of Local Level Plan Implementation (MELLPI) Pro ng lokal na pamahalaan upang mapanatiling malusog ang ating mga mamamayang Tanaueño.
