Medical at Burial Assistance sa ilalim ng Local AICS, patuloy na ipinamamahagi ng Pamahalaang Lungsod!

Karagdagang 107 na mga Tanaueño ang muling nabigyan ng tulong pinansyal sa ilalim ng programang Local Assistance for Individual in Crisis Situation (AICS) na inisyatibo ng Pamahalaang Lungsod sa pangunguna ni Mayor Sonny Perez Collantes, City Treasurer’s Office at Tanauan Local Social Welfare and Development.

Nakiisa rin sa regular na programang ito ay si Atty. King Collantes na Chief of Staff ng ating Congresswoman Ma. Theresa “Maitet” V. Collantes na kabahagi ng lokal na pamahalaan upang mabigyan ng Medical assistance at burial assistance ang ating mga kababayang nangangailangan.

Bukas naman mula Lunes hanggang Biyernes ang Tanggapan ng mga Mamamayan ng Lungsod ng Tanauan para sa mga kababayan nating nais humingi ng tulong mula sa ating Pamahalaan.