Alinsunod sa maigting na suporta sa sektor ng Edukasyon pinangunahan ngayong araw nina Mayor Sonny Perez Collantes at Atty. Cristine Collantes ang matagumpay na blessing and turn over ceremony ng bagong school building at Gymnasium para sa Malaking Pulo Elementary School ngayong araw.

Ang 𝐓𝐰𝐨-𝐬𝐭𝐨𝐫𝐞𝐲 Building ay isa sa school buildings na kasalukuyang ipinatatayo sa Lungsod ng Tanauan mula sa inisyatibo ni Mayor Sonny sa pamamagitan ng Special Education Fund na layong bigyan ng maayos na pasilidad ang ating mga mag-aaral na Tanaueño.

Sa kuwentong ibinahagi ni Mayor Sonny isa ang naturang proyekto bilang katuparan sa kahilingan ng namayapang Kapitan na si Mr. Virgilio Garcia. Aniya, ito ang patunay na binibigyang prayoridad ng ating Lokal na Pamahalaan ang mga pangangailangan ng bawat Barangay partikular sa mga programang pang-edukasyon na magiging daan at susi sa pagtupad ng mga pangarap at pagiging matagumpay sa buhay ng ating mga kabataan.

Samantala, kabilang din sa nakiisa sa nasabing aktibidad ang Sangguniang Barangay ng Malaking Pulo sa pangunguna ni Kap. Adrian Garcia kasama sina Tanauan City SDS Ms. Lourdes Bermudez CESO VI, Assistant School Division Superintendent Dr. John Carlo Paeta, CDRRMO OIC Ms. Chevy Menguito, CSWD Head Ms. Vicky Javier, Malaking Pulo ES Principal Ms. Teresita De Castro kasama ang mga mag-aaral, guro at mga kawani ng nasabing paaralan.