Child Protection Summit 2024, inihatid ng Tanauan LGU!
Kaugnay sa pagpapalakas ng sektor ng Kabataan sa Lungsod ng Tanauan, pormal na binuksan ni Mayor Sonny Perez Collantes ang Child Protection Summit 2024 na bahagi ng pagdiriwang ng National Children’s Month sa Lungsod ng Tanauan.
Ang nasabing programa ay dinaluhan ng mga lider-kabataan mula sa iba’t ibang paaralan sa Lungsod kasama ang kanilang mga magulang, guardians, Child Development Teachers at mga kinatawan mula Barangay VAWC Desk, at Barangay Council for the Protection of Children Officers.
Sa mensahe ni Mayor Sonny, kaniyang binigyang-diin ang kahalagahan edukasyon upang mabigyan ng mas magandang kinabukasan ang ating mga kabataan. Aniya, sa pamamgitan ng pagiging instrumento upang masiguro ang katahimikan at kaligtasan ng ating Lungsod ay napoprotektahan din ang karapatan at oportunidad para sa mga bata.
Habang nakiisa rin sa naturang aktibidad si Congresswoman Ma. Theresa “Maitet” V. Collantes kung saan kaniyang ibinahagi ang iba’t ibang mga panukalang batas para sa mga bata na isinusulong sa kongreso, partikular na ang Anti-child Abuse, Anti-Online Sexual Exploitation of Children Law at pagpapalakas ng mga programa para sa kalusugan, nutrisyon at edukasyon ng mga Kabataan.
Kaugnay nito, nagsilbing resource speaker si Ms. Lorela De Luna upang talakayin ang mga sumusunod:
• UN Convention on the Right of the Children (UNCRC)
• Rights of the Child
• Importance of Barangay Council for the Protection of Children
• Responsibilities of Child Representative
• Leadership Skills for Kids
Samantala, nakiisa rin sa nasabing aktibidad sina 3rd District Chief of Staff Atty. King Collantes, former City Administrator Mr. Wilfredo Ablao at mga kinatawan ng iba’t ibang samahan sa Lungsod.
