Inagurasyon ng Bagong Factory ng Brother Philippines sa Lungsod ng Tanauan, tagumpay!

Pormal nang binuksan ngayong araw ang bagong multi-functional factory ng Brother Philippines sa Lungsod ng Tanauan matapos isagawa ngayong araw ang inagurasyon nito sa pangunguna nina Mayor Sonny Perez Collantes, DTI Philippines Sec. Alfredo Pascual, PEZA Director General Hon. Tereso Panga at mga kinatawan ng Brother Industries na sina President & Director Mr. Ichiro Sasaki, Brother Industries Philippines President Mr. Hiroki Yamamoto, General Manager Mr. Masaru Tanaka at Factory Manager Mr. Katsumi Nishi.

Sa mensahe ni Mayor Sonny, kinilala nito ang pamunuan ng Brother Philippines sa kanilang kontribusyon sa pagpapaunlad ng ekonomiya ng Lungsod at ng Pilipinas sa larangan ng manufacturing at product innovation at sa paghahatid ng sustinableng mga programa para sa mga Pilipino. Bukod rito, taos pusong pinasalamatan rin ni Mayor Sonny ang kumpanya sa pamamagitan ng paghahatid ng trabaho para sa mga Tanaueño.

Kabilang din sa nakiisa sa naturang programa si Batangas Provincial Women’s Coordinating Council Vice President Atty. Cristine Collantes, TOYO Conservation Chairman Mr. Shinya Yoshida, CCT Construction Representative Mr. Horoki Nakazawa, Brgy. Ulango Kap. Tirso Oruga at Brgy. Pantay Bata Kap. Mike Manalo.

Ang nasabing pasilidad ay ikatlong factory ng Brother Philippines at kasalukuyang nakatayo sa loob ng First Industrial Business Park na matatagpuan Brgy. Ulango at Pantay Bata. Binubuo ito ng apat na palapag na may total floor area na 86,528 m2 na magsisilbing lugar para sa kanilang printer A4 production, toner production at warehouse.

Previous TINGNAN | Patuloy na pagpapaabot ng tulong para sa mamamayan

Connect With Us

TANAUAN CITY GOVERMENT© 2022 All Rights Reserved