Annual Performance Evaluation ng bawat Tanggapan ng Pamahalaang Lungsod, tagumpay; Social Services, Edukasyon, Kalusugan, Kabuhayan, Agrikultura, Disaster Response at Imprastraktura, mas tututukan sa taong 2025!
Pinangunahan ng ating mahal na Punong Lungsod Sonny Perez Collantes, Tanauan City Planning and Development Office, kasama ang lahat ng Department Managers ang Annual Performance Evaluation FY 2024 and Target Setting FY 2025 ng bawat ng Departmento ng Pamahalaang Lungsod ng Tanauan.
Inanunsiyo rin ang mga nangunang opisina na may mataas na puwesto pagdating sa Office Performance Commitment and Review (OPCR).
“Lagi nating uunahin ang ating mga kababayan, lahat ng ating ginagawa ay para sa bawat pamilyang Tanaueño, we should always stick to our vision, patuloy nating palakasin ang Social Services, Edukasyon, Kalusugan, Kabuhayan, MSMEs, Disaster Response, Peace & Order, Imprastraktura, Renewable Energy, Turismo at Agrikultura” mensahe ni Mayor Sonny.
Kinilala at pinasalamatan rin ni Mayor Sonny ang dedikasyon ng bawat Departmento sa araw-araw na paglilingkod sa mga Tanaueño, “Though we are happy with where we are now, we should seek for a better Tanauan City, kailangan nating panatilihin ang maayos na pamamalakad at pagkakaisa ng bawat departmento upang magtuloy-tuloy ang maganda nating nasimulan” aniya.
Tinalakay rin ang kasalukuyang estado ng Executive Legislative Agenda at Target Setting para sa taong 2025 at tinapos sa diskusyon ng Action Plan.
