𝗟𝗼𝗰𝗮𝗹 𝗦𝗼𝗰𝗶𝗮𝗹 𝗣𝗲𝗻𝘀𝗶𝗼𝗻 𝗽𝗮𝗿𝗮 𝘀𝗮 𝗺𝗴𝗮 𝗦𝗲𝗻𝗶𝗼𝗿 𝗖𝗶𝘁𝗶𝘇𝗲𝗻𝘀, 𝗶𝗻𝗶𝗵𝗮𝘁𝗶𝗱 𝗻𝗶 𝗠𝗮𝘆𝗼𝗿 𝗦𝗼𝗻𝗻𝘆 𝗣𝗲𝗿𝗲𝘇 𝗖𝗼𝗹𝗹𝗮𝗻𝘁𝗲𝘀!
Dahil isa sa prayoridad sa Lungsod ng Tanauan ang paghahatid ng benepisyo para sa ating mga Senior Citizens, muling naipamahagi na ngayong araw ang Local Social Pension para sa naturang sektor na bahagi ng inisyatibo ni Mayor Sonny Perez Collantes katuwang ang Tanauan Local Social Welfare and Development, OSCA Tanauan at City Treasury Office.
Ang nasabing pensyon ay mula Hunyo hanggang kasalukuyang buwan na agarang ipinapamahagi ng lokal na pamahalaan na dalawang beses kada taong natatanggap ng ating mga Senior Citizens.
Kabilang din sa nakiisa sa nasabing aktibidad na ito sina Congresswoman Ma. Theresa “Maitet” V. Collantes at Atty. King Collantes na katulong ni Mayor Sonny upang maibaba ang mga serbisyong publiko mula sa nasyunal na pamahalaan.
Bahagi rin ang nasabing programa ng lokal na pamahalaan sa pagpapalawig ng Republic Act 9994 o ang Expanded Senior Citizens Act of 2010 na nangangalaga sa mga Indigent Senior Citizens sa pamamagitan ng pagbibigay ng tulong pinansyal para sa kanilang pangangailangan.
